بوند للصيد البرى والبحرى ومسدسات الصوت

السلام عليكم ورحمه الله وبركاته
مرحبا بك أخي الكريم .. هذا المنتدي ملك لك أنت ... وملك أعضاؤه ...لطالما عندنا قناعه انه لن ينهض بهذا الصرح الا أعضاؤه
فحافظ عليه ..
حفظ الله مصر
بوند للصيد البرى والبحرى ومسدسات الصوت

اهلا ومرحبا بك وسط اخوتك فى المنتدى ونتمنى من الله ان ينال منتدنا قبول منك تقوم ادارة المنتدى فى الفترة الحالية بأختار مشرفين ومراقبين للاقسام بالمنتدى فأذا كان لديك رغبة فى تسجيلك كمشرف فى المنتدى يجب اتباع الاتى ان يكون لك 10 مواضيع جديده فى المنتدى داخل القسم الذى تود الاشراف علية و عدد 5 مواضيع جديده فى اى قسم اخر من اقسام المنتدى وعدد 20 مساهمة فى المواضيع المختلفة للاعضاء الاخريين الموجودين فى المنتدى . نتمنى من الله ان تكون معنا فى طاقم الاشراف فى الفترة المقبلة وانتظروا المزيد من المفأجات من ادارة المنتدى حين يكتمل طاقم الاشراف
Gun

    الفرق بين المسدس الصوت المقفول و المفتوح و المسدس الحي و المسدس الصوت

    شاطر

    Mohamed Abu Seif
    المشرف االعام
    المشرف االعام

    عدد المساهمات : 2
    تاريخ التسجيل : 27/09/2013

    هام الفرق بين المسدس الصوت المقفول و المفتوح و المسدس الحي و المسدس الصوت

    مُساهمة من طرف Mohamed Abu Seif في الجمعة 27 سبتمبر 2013, 4:28 pm

    بسم الله الرحمن الرحيم

    السلام عليكم و رحمة الله وبركاتة

    بعد ما كترت الاسئلة حوالين مسدسات الصوت و انواعها و اسعارها و اماكن بيعها و هل هي مفتوحة ولا مقفولة و تعديلاتها .ف انا عملت الموضوع دة – شبة شامل لكل ما يتعلق بالمسدسات الصوت – و أمل في ان الموضوع يفيد اللي هيقراة و يجاوب علي اسئلتة و يوعية .الموضوع هيتقسم ل كذا جزء ف مش عايز الناس تزهـء مني .. اشطة الجزء الاول يعني اية مسدس صوت و مسدس حي او سلاح ناري و اية الفرق بينهم ؟مسدس الصوت من اسمة - مسدس صوت - يعني محدث صوت .. مسدس بيطلع صوت وبس فقط لا غير ولا يؤذي و بالتالي لا يحتاج ترخيص . يعني تروح المحل تدفع تمنة و تاخدة و تمشي



    مسدس حي او سلاح ناري يعني لو تم استخدامة تجاة انسان هيقتلة و يتسبب ف اصابتة و طبعا السلاح الناري محتاج ترخيص لحملة .يعني تمر بإجراءات التراخيص الاول و بعد الرخصة تطلع و تاخدها و تروح المحل و تشتري و تمشي



    انواع مسدسات الصوت و يعني اية مفتوح ومقفول و اية التعديلات اللي ب تتم علي المسدس ؟ بصوا يا جدعان المصنع بيصنع السلاح نفرض مثلا بيصنع مليون مسدس صوت نصهم مفتوح ونصهم مقفول لان السوق عرض و طلب مش كل الناس عايزة مسدس مفتوح و بردة مش كلة عايز مقفول . في واحد بيقول انت رغاي ههههه ..انا بوضحلك بس



    المسدس الصوت المقفول يعني الماسورة لا تسمح بخروج اي مقذوف او اي شيء او اي جسم , يعني من الاخر كدة الماسورة معمول جواها زي صليبة او شبكة صغيرة تمنع ان اي جسم يعدي الا الغازات الساخنة .



    المسدس الصوت المفتوح يعني الماسورة سالكة تسمح بخروج اي جسم او اي مقذوف طالما يمكنة المرور فيها .طيب المسدسات الصوت المقفولة بتتفتح ازاي .. عند الخراطين . الخراط ياخد المسدس و يفتح الماسورة عملية سهلة وبسيطة لكن الخراط هيبلغ عنك الشرطة و هتوحشنا . في ناس بتركب طبة و الطبة دي لحماية المسدس و زيادة قوتة ولا زم تكون واصلة ل بيت النار - طبة صوت او طبة بلي - المسدس الصوت المفتوح بعد اللي عرفناة يبقي كدة في نوعين من الطلق بيتم استخدامة طلق صوت و طلق بلي طلق الصوت اللي هو الطلق اللي بيطلع الصوت فقط لاغير و الطلق البلي اللي بيكون فية بلية نمرة 2 و دة الشائع و احسن انواع الطلق هو الالماني الذهبي لانة مش بيحشر





    المسدس الصوت المقفول و الموقف القضائي او الجنائي منة ؟ لا توقع علية اي عقوبة او اي شيء لانة غير محتاج لترخيص و كمان دة مقفول يعني لا يؤذي ابدا و انما رجال الشرطة زي ماحنا عارفين بيرخموا علي اي حاجة يعني لو حد شافك منهم وانت ماسكة هياخد منك يقلب فية و بعدين يديهولك تاني و علي فكرة دة حقهم


    انواع مسدسات اصوت المفتوحه من المصدر : الفولجا - الجاكال - الرامبو - البلوسي - الكناس - الفورميولا - الامبريتور
    المسدس الصوت المفتوح و الموقف القضائي او الجنائي منة؟ هنا بقي الكلام يتغير لان المسدس الصوت المفتوح + طلق البلي - لان اانا ممكن اجيب مسدس صوت مفتوح و مش تتوقع اي عقوبة عليا لاني مش معايا الحاجة اللي هقتل بيها و هي الطلق البلي - ساعتها يبقي قادر علي انة يصيب و يقتل و مع انة مش محتاج ترخيص بس بيعتبر سلاح ناري و لو اتمسك معاك وانت ف موقف ضعف ساعتها تتعملك قضية و هتوحشنااا اووي . بمعني انك كنت ماشي ف الشارع مثلا و فرحان بالمسدس انت وصحابك و عمال تفرقع مثلا يمينا و يسارا ب طلق صوت عادي و قفشك ظابط .. الظابط هيرخم عليك بجد و ممكن ياخدة منك لكن ف كل الاحوال مايقدرش يعملك قضية لانك مش معاك طلق بلي و هيكون ردك ساعتها " انا شاري المسدس مفتوح .. هو كدة .. و بستخدم طلق صوت عادي "



    نفس الموقف بس انت معاك طلق بلي .. ساعتها الظابط يقفشك و يعملك قضية لانك معاك سلاح ناري و الطلق اللي ممكن تقتل بية معاك . طب واحد هيقولي و احداث البلطجة يعني اسيب البلطجي يثبتني و يخطف اهلي لا طبعا مش تسيبة يخطف اهلك لكن السلاح يكون معاك اة بس مخفي مش باين و خصوصا لو كان مسدس مصوت مفتوح و فية طلق بلي . تبقي خافية و ساعة الضرورة القصوي يطلع . بمعني ماشي انا و اهلي و انا مخبي مسدس الصوت ف هدومي و فية طلق بلي و طلع علينا اتنين او 3 بلطجية ساعتها هروح مطلعة و ضاربهم بية ساعتها محدش يقدر يقولي حاجة لان دة اسمة دفاع عن النفس انواع مسدسات الصوت كل مصانع السلاح بتصنع مسدسات صوت لكن اللي بينزل مصر انواع محدد فقط زي عائلة الايكول - ايكول جاكال و فرات و سبيشيال و بي 29 و اسي و فولجا وتونا و الفايبر )و في الوالتر و البلو سي و الريتاي بارون و الريتاي ايجل و البورني 9000 و الروم و غيرهم



    الاسعار تترواح بين 800 جنية و ال 1700 جنية و دة بسبب الثورة . الاسعار كانت اقل من كدة قبل الثورة دة تقريبا اجابة لمعظم الاسئلة اللي بتيجي ف ذهن الاعضاء ولو في اسئلة جديدة يرجي طرحها لاضافتها





    لكم مني كل شكر و تقدير

    وليد
    بوند للصيد البرى
    بوند للصيد البرى


    عدد المساهمات : 1
    تاريخ التسجيل : 24/09/2013

    هام رد: الفرق بين المسدس الصوت المقفول و المفتوح و المسدس الحي و المسدس الصوت

    مُساهمة من طرف وليد في الجمعة 27 سبتمبر 2013, 9:15 pm

    شكرا على التوضيح الجميل دة وربنا يستر
    avatar
    GIS
    رئيس مجلس إداره المنتدى
    رئيس مجلس إداره المنتدى





    عدد المساهمات : 203
    تاريخ التسجيل : 03/08/2013
    العمر : 38
    المزاج المزاج : مية مية

    هام رد: الفرق بين المسدس الصوت المقفول و المفتوح و المسدس الحي و المسدس الصوت

    مُساهمة من طرف GIS في الجمعة 27 سبتمبر 2013, 9:39 pm

    موضوع جميل يا ابو سيف بالتوفيق


    _________________
    [size=24]
    [center]مصر هى امى نيلها هو دمى
    محلات بوند لادوات الصيد البرى والبحرى ومسدسات الصوت

    محمد الجمال 01115105213 & 01002325232

    11شارع منية مطر مول الخارجة امام محطة مترو المطرية - المطرية

    basem cafu
    بوند للصيد البرى
    بوند للصيد البرى


    عدد المساهمات : 1
    تاريخ التسجيل : 25/09/2013

    هام رد: الفرق بين المسدس الصوت المقفول و المفتوح و المسدس الحي و المسدس الصوت

    مُساهمة من طرف basem cafu في الأربعاء 02 أكتوبر 2013, 1:11 pm

    موضوع مهم جدا بالذات المسدسات المفتوحة لان في ناس كتير متعرفش انها غير قانونية


    gamo200
    بوند للصيد البرى
    بوند للصيد البرى


    عدد المساهمات : 6
    تاريخ التسجيل : 11/10/2013

    هام رد: الفرق بين المسدس الصوت المقفول و المفتوح و المسدس الحي و المسدس الصوت

    مُساهمة من طرف gamo200 في الجمعة 18 أكتوبر 2013, 3:22 pm

    طيب يابو سيف لو حبيت اشتري مسدس صوت مفتوح من المصدر الاقي عندك ولا فين

    waelaiad
    بوند للصيد البرى
    بوند للصيد البرى


    عدد المساهمات : 1
    تاريخ التسجيل : 11/02/2014

    هام رد: الفرق بين المسدس الصوت المقفول و المفتوح و المسدس الحي و المسدس الصوت

    مُساهمة من طرف waelaiad في الثلاثاء 11 فبراير 2014, 2:55 pm

    مشكور على الشرح الجميل ده

    gamo200
    بوند للصيد البرى
    بوند للصيد البرى


    عدد المساهمات : 6
    تاريخ التسجيل : 11/10/2013

    هام رد: الفرق بين المسدس الصوت المقفول و المفتوح و المسدس الحي و المسدس الصوت

    مُساهمة من طرف gamo200 في الأحد 01 يونيو 2014, 12:09 am

    موضوع تحفة بجد ووافي الشرح

      الوقت/التاريخ الآن هو الأحد 18 نوفمبر 2018, 1:29 am