طريقة عمل الايس كريم و الميلك شيك

الدنيا حر و الجو نااااااااااار
و الايس كريم سعره غااااااااااااااااااالي
و العيال ما بيبطلوش زن
يبقى ما فيش غير حل واحد
المقادير:
1/4 كيلو بودرة ايس كريم .....بتتجاب من عند العطارين الكبار شوية ..سعر الكيلو 23 او 24 جنيه و لو تقدر تنزل درب البرابرة هتلاقي هناك كل مستلزمات الحلوانية و الكيلو مش هيوصل 20
1/2 لبن حليب ...يعنى كيس بخيره او ما شابه
بس كده مافيش سكر و لا حاجة هي ابودرة مسكرة جامد
الطريقة:
يا اما الضرب بالمضرب الكهربا او السلك يا اما الضرب في الخلاط لاغاية ما القوام يتقل و بعدين تشيله في الفريزر لغلاية ما يجمد

كده يا برنس انت عملت ايس كريم حليب
ممكن بقا تغير الطعم زي ما انت عايز ، شوية عصير مانجو... فروالة ...حتت موزاية مع الضرب..شوية كاكاو..عنب..بطيخ...انت و اللي يعجبك و بعد اضافة العصير هيكون عندك 1 كيلو ايس كريم من النوع الممتاز

الطعم السري الخاص بيا اضافة كوبايتين زبادي من غير وش و متصفية من الشرش
و بعد ما يجمد احط عليه شوية عصير فراولة
بيطلع ايس كريم زبادي بالفراولة مالوش حل (بس الطريقة دي سر بيني و بينكم)

الميلك شيك:
الميلك شيك ما هو الا ايس كريم متخفف و مضروب في الخلاط مع لبن ايا كان الطعم