مبادئ الرماية بالقوس و السهم في 8 خطوات

مبادئ الرماية بالقوس و السهم في 8 خطوات بس بالفيديو
و هي كالآتي :

1- الوقفة الصحيحة : مع العلم ان بيكون فيه وقفتين ياما وقفة بالجنب زي ما هنشوف ياما الوقفة الشبيه عند الرماية بالبندقية ع حسب الشخص بس الأفضل هي الأولي

2- القوس يكون جانبك و جاهز لتعشيق السهم

3- تعشيق السهم في الوتر

4- وضعية الاصابع لسحب الوتر : و سحب الوتر بيتم بـ3 اصابع السبابة و الوسطي و البنصر يعني الثلاث صوايع في الوسط و هنا في اكتر من وضع ياما السبابة بتكون فوق نهاية السهم و الوسطي و البنصر و نسحب ياما الثلاث صوابع تحت السهم و نسحب
و احيانا طريقة اخري لسحب الوتر و هو الامساك بنهاية السهم و جذبه لكن الطريقة ديه يعيبها انها احيانا بتأثر ع دقة و اقوة اطلاق السهم و احيانا ممكن يفلت عن غير قصد فتحتاج تدريب للتحكم و اتقان الطريقة دي و بتكون أفضل في الاقواس المركبة لكن الطريقة الاسهل الاولي
و حديثا فيه حاجة اسمها المطلق و ده حاجة عاملة زي المشبك بتتلبس في الايد و تشبكها و تسحب و لما تيجي تطلق السهم بتدوس ع المشبك و تسيبها و ان شاء الله هكتب موضوع عن المعدات الحديثة المستخدمة في الرماية بالقوس و السهم

5- رفع القوس للسحب و الاطلاق

6- سحب الوتر : و سحب الوتر بيكون في اتجاه الأذن و قريب منها

7- التنشين بالعين المجردة : ( من ضمن المعدات الحديثة المنظار و هو زي السكوب في البنادق و بتسهل الرماية لكن من وجهة نظري ايه لازمتها و فين متعة التنشين و احترافه بدون اي وسائل مساعدة سواء المهارة الشخصية )
المهم زي مقولت التنشين بالعين المجردة و حساب المسافة لأن برده الجاذبية بتأثر ع السهم و يجب مراعاة وزن السهم و قوة القوس و وضع الهدف و الظروف الجوية المحيطة و اللي بيصل لمستوي متفوق في استخدام القوس بيقدر يحسب سرعة الرياح مع العوامل السالف ذكرها و ده طبعا مع التدريب الكثير

8- الاطلاق : و هو انك تسيب الوتر او نهاية السهم و الوتر ع حسب الطريقة و نلاحظ ان عند افلات الوتر الايد بتسيبه ترجع لورا في اتجاه الأذن و في نف الوقت الايد الممسكة القوس لازم تكون ثابتة

و ده فيديو بيوضح الطريقة الرماية بالقوس و السهم